Guia para o desenvolvemento de procesos de valorización do patrimonio cultural inmaterial (PCI)

De forma transversal e coa mirada posta na participación das comunidades, esta publicación non só actualiza o marco normativo e de protección, senón que ofrece propostas moi diversas (tanto a nivel teórico como práctico) para experimentar e salvagardar o Patrimonio Cultural Inmaterial. As experiencias recollidas na Guía fálannos da diversidade dos PCI e da creatividade necesaria para ofrecer solucións innovadoras no reto da súa identificación e salvagarda, comezando pola coordinación entre institucións, administracións e protagonistas, xa que este tipo de Patrimonio Cultural require, máis que ningún outro, un traballo consistente de colaboración entre todos os axentes implicados.